(13 جولائی 2025) فریڈم فلوٹیلا کولیشن نے اسرائیلی فوج کی جانب سے کیا گیا غزہ کا محاصرہ توڑنے کیلیے امداد سے لدا تیسرا بحری جہاز روانہ کر دیا۔
فریڈم فلوٹیلا کولیشن ایک غیر سرکاری فلسطین حامی تنظیم ہے جس نے اس سے قبل بھی سمندری راستے کے ذریعے غزہ کے فلسیطنیوں کیلیے امداد روانہ کی تھی تاہم اسرائیل کی جانب سے مداخلت کی گئی۔
قطری نشریاتی ادارے الجزیرہ کی رپورٹ کے مطابق فریڈم فلوٹیلا کولیشن نے آج پھر امداد سے لیس (HANDALA) نامی جہاز اٹلی سے غزہ کی جانب بھیجا ہے۔
The Freedom Flotilla Coalition is setting sail again.
Join us in Siracusa, Italy — or online — on July 13 at 10:30 CEST (GMT+2) as we launch ‘Handala’ on its journey toward Gaza.
Just weeks after Israeli forces illegally seized our boat ‘Madleen’ and abducted 12 unarmed… pic.twitter.com/heGoYHQXF3
— Freedom Flotilla Coalition (@GazaFFlotilla) July 13, 2025
عملے کی ایک رکن ماریا ایلینا نے کہا کہ ہم اُس وقت تک امداد بھیجنے کی کوشش کرتے رہیں گے جب اسرائیل غزہ کا محاصرہ ختم نہیں کرتا اور فلسطین آزاد نہیں ہو جاتا۔
سسلی کے ساحلی شہر سائراکیز سے سوشل میڈیا پر براہ راست نشریات کے بعد امداد سے لدا جہاز محصور علاقے کی طرف روانہ ہوا۔
واضح رہے کہ مئی میں فریڈم فلوٹیلا کولیشن نے جہاز روانہ کیا تھا جسے مالٹا کے قریب بین الاقوامی پانیوں میں اسرائیل سے منسلک ڈرون نے نشانہ بنایا تاہم اس میں کوئی جانی نقصان نہیں ہوا تھا۔
جون میں اسرائیلی فوجیوں نے بین الاقوامی پانیوں میں تنظیم کی طرف سے بھیجے گئے اگلے جہاز میڈلین کو روکا اور اس پر سوار ہونے والوں کو گرفتار کر کے اسرائیل منتقل کیا، پھر انہیں ملک بدر کیا گیا۔
We are setting sail again. On July 13, 2025 our boat #Handala will depart from Siracusa, Italy to break Israel’s illegal blockade. This mission is for the children of Gaza.
Just weeks ago, Israeli forces illegally seized our boat #Madleen and abducted 12 unarmed civilians aboard… pic.twitter.com/G4LjtpQg7Q
— Freedom Flotilla Coalition (@GazaFFlotilla) July 6, 2025
جہاز میں سوار افراد میں سویڈن کی ماحولیاتی کارکن گریٹا تھنبرگ اور فرانس سے یورپی پارلیمنٹ کی رکن ریما حسن شامل تھے۔