ایشیا کپ میں پاکستان کے خلاف میچ سے قبل سابق بھارتی کپتان سارو گنگولی نے اپنی ٹیم کو اہم مشورہ دے دیا۔
بھارتی میڈیا رپورٹس کے مطابق بی سی سی آئی کے سابق سربراہ سارو گنگولی کا کہنا ہے کہ کوئی شک کہ بابر اعظم بہترین پلیئر ہیں، بھارتی بولرز کو ان کے خلاف اچھی بولنگ کرنا ہوگی۔
سارو گنگولی نے کہا کہ پاکستان کا بولنگ اٹیک بھی شاندار ہے، نسیم شاہ، شاہین آفریدی اور حارث رؤف کی بولنگ کے آگے بھارت کو اچھی کرکٹ کھیلنا ہوگی۔
While @SGanguly99 knows that @Babarazam58 in his current element will be a challenging nut to crack, he's positive that #India has a fast-bowling attack strong enough to restrict him from doing what he does! 💥 pic.twitter.com/iGJp3aiGPh
— Star Sports (@StarSportsIndia) September 1, 2023
انہوں نے کہا کہ ہمارے پاس بھی اچھا بولنگ اٹیک ہے، جسپریت بمراہ، محمد سراج اور شامی کے آگے بابر کو بھی رنز بنانے کے لیے اچھی بیٹنگ کرنا ہوگی۔
سارو گنگولی کا کہنا تھا کہ بمراہ واپس آیا ہے جو ٹیم کو مزید مضبوط بناتا ہے، بولنگ اٹیک بہت اچھا ہے، شامی بمراہ، سراج آپ کو اس سے بہتر تیز بولنگ اٹیک نہیں مل سکتا۔
واضح رہے کہ ایشیا کپ کے اہم میچ میں کل روایتی حریف پاک بھارت ٹیمیں ٹکرائیں گی۔
پاکستان نے اپنے پہلے میچ میں نیپال کو شکست دی تھی جبکہ بھارت ایونٹ میں اپنا پہلا میچ کھیل رہی ہے۔