اسرائیل کی جانب سے کی گئی بمباری کے سبب اب ہزاروں فلسطینی شہری اپنی زندگیوں سے محروم ہوچکے ہیں، ایسی صورتحال میں خوفناک اور دل دہلا دینے والے مناظر کی ویڈیوز بھی سامنے آرہی ہیں۔
فلسطینی باپ کی ایک درد ناک ویڈیو سامنے آئی ہے، جب وہ مردہ خانے پہنچا تو اسے اپنے جوان سالہ بیٹے کی لاش ملی، جسے دیکھ کر وہ اپنے ہوش کھو بیٹھا اور آہ بکا کرنے لگا۔
اطلاعات کے مطابق غزہ کی پٹی پراسرائیلی چھاپوں کے نتیجے میں جواں سالہ فلسطینی نوجوان کو شہید کردیا گیا تھا، لاچار باپ نے اپنے بیٹے کو دیکھتے ہی چیخنا چلانا شروع کر دیا۔
واضح رہے کہ اسرائیلی فوج کی طرف سے تقریباً ایک ماہ سے محصور غزہ کی پٹی پر شروع کی گئی جنگ کے بعد غزہ سے دردناک مناطر کی ویڈیوز سامنے آرہی ہیں۔
اس عرصے کے دوران جاری جنگ اور پرتشدد اسرائیلی حملوں نے غزہ میں بڑے پیمانے پر تباہی مچائی اور اس پٹی میں 1.4 ملین افراد اپنے گھروں سے بے گھر ہوئے۔ 10 ہزار سے زائد شہادتیں جن میں زیادہ تر بچے اور خواتین ہیں۔