صنفی تشدد کے کیسز سے متعلق رپورٹ میں ہوشربا انکشافات

اسلام آباد : صنفی تشدد کے کیسز سے متعلق رپورٹ میں ہوشربا انکشافات سامنے آئے ، کیسز میں 100 فیصدتک اضافہ ہوا۔

تفصیلات کے مطابق ملک بھر میں صنفی تشدد کے کیسز میں تیزی سے اضافہ ہونے لگا، قانون وانصاف کمیشن نے صنفی تشدد سے متعلق رپورٹ میں ہوشرباانکشافات سامنے آئے۔

قانون و انصاف کمیشن نے کہا کہ صنفی تشدد کے زیر التوا مقدمات میں بھی اضافہ ہونے لگا، 2023 میں صنفی تشدد زیر التوا مقدمات 21ہزار 891 سے بڑھ کر39ہزار665 ہوگئے۔

رپورٹ میں کہا گیا کہ پنجاب میں صنفی تشدد کے زیرالتواء مقدمات میں 100 فیصدتک اضافہ ہوا، سندھ میں3، کےپی میں14،بلوچستان میں2، اسلام آبادمیں 1 فیصد اضافہ ہوا۔

قانون و انصاف کمیشن کا کہنا تھا کہ صنفی تشدد کے کیسز میں سب سےزیادہ مقدمات جنسی زیادتی کے ہیں، زیرالتوامقدمات میں اغوا، انسانی اسمگلنگ اورخواتین کے قتل کے کیسزشامل ہیں۔

رپورٹ کے مطابق صنفی مقدمات میں الیکٹرانک جرائم میں اضافہ اور معاشی جرائم میں کمی واقعہ ہوئی، صنفی جرائم میں ملوث ملزمان کوسزاؤں کی شرح صرف5فیصد اور نامزدملزمان کےبری ہونےکی شرح64 فیصد ہے۔

ملک بھرمیں صنفی جرائم سے نمٹنے کیلئے 480 خصوصی عدالتیں 2019 میں قائم کی گئیں۔