سورج پوری آب و تاب کے ساتھ چمک رہا تھا، ریڈ کارپٹ بچھایا جا چکا تھا فوجی اعزازی گارڈ منظم تھے قطر میں جرمنی کے سفیر قطار میں موجود تھے لیکن جرمن صدر کی آنکھیں منتظر تھیں وہ میزبانو کو تلاش کرتے رہے۔
یہ منظر ہے قطر کے ایئرپورٹ کا جہاں جرمنی کے صدر فرینک والٹر اسٹین میئر آدھے گھنٹے تک طیارے میں کھڑے انتظار کرتے رہے کیونکہ ان کا استقبال کرنے کے لیے کوئی قطری عہدیدار موجود نہیں تھا۔
جرمن صدر طیارے کے دروازے پر اپنے میزبانوں کا انتظار کرتے رہے۔ قطری ترجمان نے کہا کہ جرمن صدر وقت سے پہلے پہنچ گئے تو اس میں ہمارا کیا قصور ہے؟
Germany’s President Frank-Walter Steinmeier was seen waiting at the entrance of a German airplane in Doha for half an hour before Qatar’s Minister of State for Foreign Affairs Sultan bin Saad Al Muraikhi finally exited and greeted him pic.twitter.com/s7uG2pcUWv
— TRT World (@trtworld) November 30, 2023
اسٹین میئر قطری قیادت کے ساتھ حماس کے زیرحراست باقی جرمن مغویوں کی رہائی کی کوششوں پر بات چیت کے لیے قطر پہنچے ہیں۔
انہوں نے الثانی کے ساتھ بات چیت کے بعد دوحہ میں صحافیوں کو بتایا، "مجھے یقین ہے کہ قطر جرمن مغویوں کی رہائی کے لیے اپنی طاقت کے مطابق ہر ممکن تعاون کرے گا۔”