سپر امریکی ماڈل جیجی حدید اور بیلا حدید کی والدہ یولینڈا حدید نے اپنے بوائے فرینڈ جوزف جینگولی سے منگنی کرلی۔
بین الاقوامی میڈیا رپورٹس کے مطابق عالمی شہرت یافتہ امریکی ماڈلز جیجی حدید اور بیلا حدید کی والدہ یولینڈا حدید نے 60 سال کی عمر میں اپنے دیرینہ دوست بزنس مین جوزف جینگولی سے منگنی کرلی۔
رپورٹ کے مطابق جمعرات 29 اگست کو 60 سالہ یولینڈا حدید نے ایک انٹر ویو میں اپنی منگنی کے بارے میں تصدیق کی، انہوں نے بتایا کہ وہ جوزف کے ساتھ چھٹیاں گزارنے کے لیے ہالینڈ گئی تھیں جہاں جوزف نے اُنہیں شادی کے لیے پرپوز کیا۔
یولینڈا حدید نے اپنے انٹرویو میں بتایا کہ میں نے جوزف کی پیشکش قبول کی کیونکہ ہم دونوں میں بہت سی عادات مشترکہ ہیں اور ہم ایک دوسرے کو سمجھتے ہیں، اس پرپوز کے بعد، ہم نے منگنی کی۔
واضح رہے کہ یولینڈا حدید نے سال 1994 میں فلسطینی نژاد امریکی بزنس مین محمد حدید سے شادی کی تھی، جن سے اُن کی دو بیٹیاں جیجی حدید، بیلا حدید اور ایک بیٹا انور حدید ہے۔
یولینڈا حدید نے سال 2000 میں محمد حدید سے علیحدگی اختیار کرلی تھی، پھر سال 2011 سے 2015 تک وہ ڈیوڈ فوسٹر کے ساتھ رومانوی تعلقات میں رہیں، ڈیوڈ سے بریک اپ کے بعد یولینڈا حدید نے بزنس مین جوزف جینگولی کو ڈیٹ کیا۔