ممبئی: بھارت میں چلتی ٹرین میں طالبہ کو مبینہ طور پر زیادتی کا نشانہ بنادیا گیا۔
بھارتی میڈیا رپورٹس کے مطابق ممبئی کی لوکل ٹرین میں قلی نے مبینہ طور پر 20 سالہ طالبہ کو مبینہ طور پر زیادتی کا نشانہ بنایا، پولیس نے ملزم کو گرفتار کرلیا۔
طالبہ نوی ممبئی کے علاقے بیلاپور میں امتحان دینے جارہی تھی اور سی ایس ایم ٹی پنویل لوکل ٹرین کے سیکنڈ کلاس لیڈیز کمپارٹمنٹ میں سوار ہوئی تھی۔
رپورٹ کے مطابق ٹرین میں طالبہ کے ساتھ ایک معمر خاتون موجود تھیں، جب ٹرین پلیٹ فارم سے روانہ ہوئی تو اچانک ملزم ٹرین کے اندر آکر لڑکی کو زیادتی کا نشانہ بنایا۔
ٹرین مسجد اسٹیشن پر رکی تو ملزم وہاں سے فرار ہوگیا۔ متاثرہ لڑکی نے ایک مسافر کی مدد سے پولیس کو فون کرکے واقعے سے متعلق آگاہ کیا۔
ریلوے پولیس کا بتانا ہے کہ ملزم کو گرفتار کرلیا گیا ہے جسے آج عدالت میں پیش کیا جائے گا۔