کراچی : پاکستان میں سونے کی قیمت میں ہزاروں روپے کی  کمی ریکارڈ کی گئی ہے، جس سے زیورات کے خریداروں اور سرمایہ کاروں کو وقتی ریلیف ملا۔

عالمی مارکیٹ میں سونے کی قیمت میں کمی کا اثر پاکستان پر بھی پڑا اور سونا کی قیمت بڑی گراوٹ ریکارڈ کی گئی، جس سے زیورات کے خریداروں اور سرمایہ کاروں کو وقتی ریلیف ملا۔

آل پاکستان جیمز اینڈ جیولرز ایسوسی ایشن کی جانب سے بتایا گیا کہ پاکستان میں فی تولہ سونا 3600روپے کم ہو کر 3 لاکھ 58800 روپے پر آگیا، اسی طرح 10 گرام سونا 3086 روپے کم ہو کر 3 لاکھ7ہزار613 روپے کا ہوگیا۔

پاکستان میں آج ڈالر اور دیگر کرنسیوں کی قیمت

عالمی مارکیٹ میں سونا 36 ڈالر کی کم ہوا اور قیمت 3361 ڈالر فی اونس پر آگئی۔

واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔