سعودی عرب میں آج سونے کی قیمت کیا ہے؟

جمعرات 15 اگست کو سعودی عرب میں 24 قیراط سونے کی قیمت 3,469 سعودی ریال (SAR) فی تولہ رہی۔

اس کے علاوہ، 24 قیراط سونے کے ایک اونس کی قیمت 8,260 ریال جب کہ 10 گرام  2,977 ریال میں فروخت کی جارہی ہے۔

نوٹ سعودی عرب سمیت پوری دنیا میں سونے کی قیمتوں میں متواتر اتار چڑھاؤ کی وجہ سے قیمت میں فرق ہو سکتا ہے۔

پاکستان میں آج سونے کی قیمت میں کمی کا رجحان رہا ہے۔ آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 300 روپے کمی کے بعد 2 لاکھ 57 ہزار 400 روپے ہوگئی۔

اسی طرح 10 گرام سونے کی قیمت 256 روپے کمی کے بعد 2 لاکھ 20 ہزار 680 روپے رہی۔

عالمی مارکیٹ میں بھی سونے کی قیمت میں کمی کا رجحان رہا، سونا 4 ڈالرز کمی سے 2454 فی اونس کی سطح پر آگیا۔

خیال رہے سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

سونے کو صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔

پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی ہے۔