کراچی: عالمی مارکیٹ میں سونے کی قیمت بڑھنے کے منفی اثرات مقامی صرافہ بازاروں پر بھی نظر آئے ۔
اے آر وائی نیوز کے مطابق بلین مارکیٹ میں کاروباری ہفتے کے چوتھے یعنی جمعرات کے روز ٹریڈنگ کے دوران سونے کی فی اونس قیمت میں 9 ڈالرز کا اضافہ ریکارڈ کیا گیا۔
حالیہ اضافے کے بعد سونے کی فی اونس قیمت 1747 ڈالرز تک پہنچ گئی۔
عالمی مارکیٹ میں ہونے والے اضافے کے باعث مقامی صرافہ بازاروں میں بھی سونے کی فی تولہ اور دس گرام کی قیمتوں میں اضافہ ریکارڈ کیا گیا۔
آل پاکستان جیولرز مینوفیکچررز ایسوسی ایشن کے چیئرمین محمد ارشد کے مطابق آج بتاریخ 12 اگست 2021 بروز جمعرات پاکستان بھر کے مقامی صرافہ بازاروں میں سونے کی قیمت میں مجموعی طور پر 1579 روپے کا اضافہ ہوا۔
پاکستان بھر کے مقامی صرافہ بازاروں میں فی تولہ سونے کی قیمت 850 روپے اضافے کے بعد 1 لاکھ 9 ہزار 100 روپے پر پہنچ گئی، اسی طرح دس گرام 24 کیرٹ کی قیمت 729 روپے اضافے کے ساتھ 93 ہزار 535 روپے تک پہنچ گئی۔
آج بتاریخ 12 اگست 2021 کے ریٹ
فی تولہ قیمت: -/ 109,100روپے
دس گرام قیمت: -/ 93,535 روپے
کراچی، حیدرآباد، سکھر، ملتان، لاہور، فیصل آباد، اسلام آباد، راولپنڈی، پشاور اور کوئٹہ کی صرافہ مارکیٹوں میں لین دین نئے ریٹ کے ساتھ ہوئی۔