کراچی : ملک بھر میں سونے کی فی تولہ قیمت میں کمی ریکارڈ کی گئی ہے، جس کی بڑی وجہ عالمی مارکیٹ کی قیمتوں میں کمی قرار دی جارہی ہے۔
تفصیلات کے مطابق عالمی مارکیٹ میں سونے کی قیمتوں میں کمی کے بعد پاکستان میں بھی سونے کے نرخ کم ہوگئے ہیں۔
آل پاکستان جیمز اینڈ جیولرز ایسوسی ایشن کے مطابق آج ملک میں سونے کی فی تولہ قیمت 1100 روپے کم ہوئی ہے جس کے بعد فی تولہ سونے کا بھاؤ 2 لاکھ 21 ہزار 700 روپے ہوگیا ہے۔
بین الاقوامی مارکیٹ میں فی اونس سونے کی قیمت 2 ڈالر کمی کے ساتھ 1940 ڈالر کی سطح پر آگئی جبکہ پاکستان میں دس گرام سونے کی قیمت میں 943 روپے کی کمی ریکارڈ کی گئی۔