کراچی : کئی روز سے مسلسل اضافے کے بعد آج ملک بھر میں سونے کی قیمت میں کمی ریکارڈ کی گئی ہے جبکہ عالمی منڈی میں بھی سونے کے نرخ کم ہوگئے۔
تفصیلات کے مطابق آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونے کی قیمت میں500 روپے کی کمی سامنے آئی ہے جس کے بعد فی تولہ سونے کا بھاؤ2 لاکھ 19 ہزار 300 روپے کا ہوگیا ہے۔
جیمز اینڈ جیولرز ایسوسی ایشن کے عہدیداران کے مطابق اسی طرح 10 گرام سونے کی قیمت میں 429 روپے کم ہوئے اور مارکیٹ میں 10 گرام سونا ایک لاکھ 88 ہزار14 روپے میں فروخت ہورہا ہے۔
دوسری جانب عالمی بازار میں سونے کا بھاؤ 2 ڈالر کم ہونے سے 2052 ڈالر فی اونس ہے۔ واضح رہے کہ گزشتہ روز سونے کی فی تولہ قیمت میں 1800 روپے کا اضافہ ہوا تھا۔