کراچی : پاکستان میں سونے کی قیمت اضافے کے بعد فی تولہ 3 لاکھ 62 ہزار 600 روپے پر پہنچ گیا۔

تفصیلات کے مطابق عالمی اور مقامی مارکیٹس میں سونے کی قیمت میں مسلسل اضافہ جاری ہے، پاکستان میں آج بھی سونے کی قیمت میں اضافہ ریکارڈ کیا گیا۔

مقامی صرافہ بازار میں فی تولہ سونا 900 روپے مہنگا ہو کر 3 لاکھ 62 ہزار 600 روپے پر پہنچ گیا۔

اسی طرح دس گرام سونا 772 روپے کے اضافے سے 3 لاکھ 10 ہزار 871 روپے کا ہوگیا۔

عالمی مارکیٹ میں بھی سونے کی قیمت میں اضافہ ریکارڈ کیا گیا، جہاں فی اونس سونا 9 ڈالر کے اضافے سے 3 ہزار 399 ڈالر پر ٹریڈ ہوا۔

ماہرین کے مطابق ڈالر کی قدر اور عالمی معاشی حالات کے باعث مقامی سطح پر سونے کی قیمت میں اتار چڑھاؤ جاری رہنے کا امکان ہے۔

پاکستان میں آج ڈالر اور دیگر کرنسیوں کی قیمت

واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔