پاکستان میں سونے کی فی تولہ قیمت میں آج ہزاروں روپے کا اضافہ ہوگیا۔
آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونے کی قیمت 6100 روپے اضافے کے بعد 3 لاکھ 59 ہزار روپے ہوگئی۔
اسی طرح دس گرام سونا 5 ہزار 229 روپے اضافے کے بعد 3 لاکھ 7 ہزار 784 روپے کا ہوگیا۔
عالمی مارکیٹ میں بھی سونے کی قیمت میں 61 ڈالر کا اضافہ ہوا ہے اور سونا 3 ہزار 363 ڈالر فی اونس کا ہوگیا ہے۔
پاکستان میں آج ڈالر اور دیگر کرنسیوں کی قیمت
گزشتہ روز پاکستان میں سونے کی فی تولہ قیمت 100 روپے کم ہونے کے بعد 3 لاکھ 52 ہزار 900 روپے ہوگئی تھی۔
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔