سونے کی قیمت میں اضافہ، انٹر بینک میں ڈالر سستا ہوگیا

کراچی: ملک میں سونے کی قیمت میں اضافہ ہوگیا جبکہ انٹربینک میں ڈالر سستا ہوگیا۔

آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت 1300 روپے اضافے کے بعد 2 لاکھ 15 ہزار روپے ہوگئی۔

اسی طرح 10 گرام سونے کی قیمت میں 1115 روپے اضافہ ہوا جس کے بعد 10 گرام سونا ایک لاکھ 84 ہزار 328 روپے پر پہنچ گیا ہے۔

عامی مارکیٹ میں بھی سونے کی قیمت میں اضافہ کا رجحان رہا، سونا 13 ڈالر کے اضافے سے 2045 ڈالر فی اونس کا ہوگیا۔

چاندی کی فی تولہ قیمت 2 ہزار 600 روپے پر مستحکم رہی۔

انٹر بینک میں 8 پیسے سستا ہوگیا، انٹر بینک میں ڈالر 279 روپے 90 پیسے پر بند ہوا۔

گزشتہ روز ڈالر 279 روپے 98 پیسے پر بند ہوا تھا۔