سونے کی قیمت کم ہوگئی

کراچی: عالمی اور مقامی صرافہ مارکیٹ میں سونے کی قیمت میں معمولی کمی واقع ہوئی ہے۔

مقامی صرافہ مارکیٹ میں سونے کی فی تولہ قیمت میں 600 روپے کی کمی ہوئی جس کے بعد اس کی نئی قیمت 2 لاکھ 17 ہزار 300 روپے فی تولہ ہوگئی۔

10 گرام سونے کی قیمت میں 514 روپے کی کمی ہوئی جس کے بعد نئی قیمت 1 لاکھ 86 ہزار 300 روپے ہے۔

عالمی مارکیٹ میں سونا 8 ڈالر کی کمی سے 2067 ڈالر فی اونس کا ہوگیا جبکہ چاندی کی فی تولہ قیمت 2 ہزار 650 روپے پر مستحکم رہی۔

گزشتہ روز سونے کی فی تولہ قیمت میں 450 روپے کا اضافہ ہوا تھا جس کے بعد اس کی قیمت 2 لاکھ 17 ہزار 900 روپے ہوگئی تھی۔

اسی طرح 10 گرام سونے کی قیمت میں 386 روپے کا اضافہ ہوا تھا جس کے بعد 10 گرام سونا 1 لاکھ 86 ہزار 814 روپے پر پہنچ گیا تھا۔