پاکستان میں سونے کی قیمت میں کئی روز کی کمی کے بعد آج اضافہ ہوگیا۔
آل پاکستان جیمز اینڈ جیولرز ایسوسی ایشن کے مطابق پاکستان میں سونے کی فی تولہ قیمت 300 روپے اضافے کے بعد 3 لاکھ 55 ہزار روپے ہوگئی۔
اسی طرح 10 گرام سونا 257 روپے اضافے سے 3 لاکھ 4 ہزار 355 روپے پر پہنچ گیا۔
عالمی مارکیٹ میں بھی سونے کی قیمت میں معمولی اضافہ ہوا، سونا 3 ڈالر اضافے سے 3323 ڈالر فی اونس کا ہوگیا۔
چاندی کی فی تولہ قیمت 3 ہزار 963 روپے پر برقرار رہی ہے۔
پاکستان میں آج ڈالر اور دیگر کرنسیوں کی قیمت
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔