پاکستان میں سونے کی قیمت میں دو روز کی کمی کے بعد پھر اضافہ

پاکستان میں سونے کی قیمت میں دو روز کی کمی کے بعد پھر اضافہ ہوگیا۔

آل پاکستان جیمز اینڈ جیولرز ایسوسی ایشن کے مطابق پاکستان میں سونے کی فی تولہ قیمت 2500 روپے اضافے کے بعد 3 لاکھ 57 ہزار 600 روپے ہوگئی۔

اسی طرح 10 گرام سونے کی قیمت 2143 روپے اضافے سے تین لاکھ 6 ہزار 584 روپے کا ہوگیا۔

عالمی مارکیٹ میں بھی سونے کی قیمت میں اضافے کا رجحان رہا، عالمی مارکیٹ میں سونا 25 ڈالر بڑھ کر فی اونس 3351 ڈالر کا ہوگیا۔

 واضح رہے کہ گزشتہ روز پاکستان میں سونے کی فی تولہ قیمت 900 روپے کمی کے بعد 3 لاکھ 55 ہزار 100 روپے ہوگئی تھی۔

پاکستان میں آج ڈالر اور دیگر کرنسیوں کی قیمت

واضح رہے کہ گزشتہ روز ہاکستان میں سونا فی تولہ 3000 روپے کمی سے 3 لاکھ 56 ہزار روپے کا ہوگیا تھا۔

یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔