کراچی : عالمی مارکیٹ میں سونا سستا ہونے کے باوجود پاکستان میں مزید مہنگا ہوگیا اور فی تولہ قیمت نے نیا ریکارڈ بنا ڈالا۔
تفصیلات کے مطابق عالمی صرافہ مارکیٹ میں سونا سستا ہونے کے باوجود مقامی سطح پر سونے کی قیمت نئی بلند سطح پر پہنچ گئی
فی تولہ قیمت میں مزید 200 روپے کا اضافہ ہوا، جس کے بعد فی تولہ سونا 2 لاکھ 62 ہزار روہے کی بلند سطح پر پہنچ گیا۔
دس گرام سونا 172 روپے اضافے سے 2 لاکھ 24 ہزار 623 روپے کا ہوگیا جبکہ چاندی کی فی تولہ قیمت 2950 روہے پر مستحکم رہی۔
عالمی صرافہ بازار میں سونا 12 ڈالرز کی کمی سے 2492 فی اونس کی سطح پر اگیا۔
یاد رہے گذشتہ روز عالمی منڈی میں سونا سستا ہونے کے باوجود پاکستان میں 800 روپے مہنگا ہوا تھا۔
خیال رہے سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
Currency Rates in Pakistan Today- پاکستان میں آج ڈالر کی قیمت (arynews.tv)
سونے کو صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔
پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی ہے۔