ملک میں کاروباری ہفتے کے دوسرے روز بھی سونے کی قیمت میں ہزاروں روپے کا اضافہ ہوگیا۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 6200 روپے اضافے کے بعد 2 لاکھ 21 ہزار روپے ہوگئی ہے۔
اسی طرح 10 گرام سونے کی قیمت 5316 روپے اضافے کے بعد ایک لاکھ 89 ہزار 472 روپے ہوگئی۔
عالمی مارکیٹ میں بھی سونے کی قیمت میں اضافے کا رجحان رہا، سونے کی قیمت 10 ڈالر اضافے کے بعد 1967 ڈالر فی اونس رہی۔
ڈالر کی قدر میں اضافہ
دوسری جانب پاکستانی روپے کے مقابلے میں امریکی ڈالر کی قدر میں اضافے کا سلسلہ بھی جاری ہے۔
کاروبار کے آغاز میں انٹربینک میں ڈالر ایک روپے 74 پیسے مہنگا ہوکر 281 روپے کا ہوگیا اور کاروبار کے اختتام پر 3 روپے 78 پیسے مہنگا ہوکر 283 روپے 4 پیسے پر بند ہوا۔
واضح رہے کہ انٹربینک میں گزشتہ روز ڈالر 279 روپے 26 پیسے پر بند ہوا تھا۔
Interbank closing #ExchangeRate for today https://t.co/KBAPz7CcGZ#SBPExchangeRate pic.twitter.com/Ev4RrPjlEh
— SBP (@StateBank_Pak) July 18, 2023
دوسری جانب اوپن مارکیٹ میں ڈالر ایک روپیہ مہنگا ہوکر 287 روپے کا ہوگیا،گزشتہ روز اوپن مارکیٹ میں ڈالر کی قدر 2 روپے اضافےکے بعد 286 روپے تھی۔