پاکستان انٹرنیشنل ایئرلائن پی آئی اے کے فضائی میزبانوں کو زبردست خوشخبری سنا دی گئی۔
تفصیلات کے مطابق پی آئی اے انتظامیہ نے بڑے پیمانے پر 100 سے زائد فضائی میزبانوں کو ترقی دے دی۔
پی آئی اے شعبہ فلائٹ سروسز میں بڑے پیمانے پر ترقیاں دی گئی ہیں جس کا باقاعدہ نوٹیفکیشن جاری کر دیا گیا ہے۔
ترجمان پی آئی اے کے مطابق 100 سے زائد فضائی میزبانوں کو گروپ 6 سے 7 میں ترقی دی گئی تمام فضائی میزبانوں کواعلیٰ کارکر دگی پر ترقیاں دی گئیں۔
علاوہ ازیں پاکستان انٹرنیشنل ایئرلائن خطے میں پہلےکووڈ ویکسینٹڈ عملے والی ائیرلائن بننے کیلئے کوشش جاری رکھے ہوئے ہے، اسی تناظر میں انہوں نے اپنے اہداف طے کرلئے ہیں۔
پی آئی اے نے خطےمیں پہلے کووڈ ویکسینٹڈ عملےوالی ائیرلائن بننےکیلئےکوشش شروع کردی ہیں، قومی ایئر لائن نے اپنے عملے کی ویکسی نیشن کا کام تیز کردیا ہے، کورونا سےبچاؤ کیلئے پائلٹس اور فرنٹ لائن ورکز کی مرحلہ وار ویکسی نیشن کا عمل شروع کردیا ہے۔