حکومت کا پیٹرول اور ڈیزل کی قیمت میں بڑی کمی کا اعلان

حکومت نے پیٹرولیم مصنوعات کی قیمتوں میں بڑی کمی کا اعلان کردیا۔

اے آر وائی نیوز کے مطابق حکومت نے پیٹرول کی قیمت میں 8 روپے 47 پیسے فی لیٹر کمی کی ہے جس کے بعد پیٹرول کی نئی قیمت 260 روپے 96 پیسے ہوگئی۔

ہائی اسپیڈ ڈیزل کی قیمت میں 6 روپے 7 پیسے فی لیٹر کمی کی گئی ہے۔

ہائی اسپیڈ ڈیزل کی نئی قیمت 266 روپے 7 پیسے مقرر ہوگئی ہے جبکہ قیمتوں میں کمی کا اطلاق آج رات 12 بجے سے ہوگا۔

واضح رہے کہ حکومت کی جانب سے ہر 15 روز کے بعد پیٹرولیم مصنوعات کی قیمتوں میں ردوبدل کیا جاتا ہے لیکن اس مرتبہ دو روز قبل ہی پیٹرول اور ڈیزل کی قیمت میں کمی کا اعلان کیا گیا ہے۔

 پیٹرولیم مصنوعات کی یہ قیمتیں 31 اگست تک برقرار رہیں گی۔