گورنر سندھ کامران ٹیسوری کی جانب سے بدین کے طوفان متاثرین کے لئے تیار کھانا روانہ کیا گیا ہے تاکہ طوفان کے باعث بے گھر ہونے والے ان لوگوں کی مشکلات میں کمی واقع ہوسکے۔
میڈیا رپورٹس کے مطابق سندھ کے گورنر کامران خان ٹیسوری نے متاثرین کی پریشانیوں کا ادراک کرتے ہوئے بدین کے طوفان متاثرین کے لئے تیار کھانا روانہ کیا ہے تاکہ ان کی مشکلات میں کچھ کمی واقع ہوسکے۔
یہ کھانا ضلع کے مختلف علاقوں میں موجود 20 ہزار کے قریب متاثرین میں تقسیم کیا جائے گا۔ سجاول، جاتی اور شاہ بندر کے طوفان متاثرین کے لئے یہ کھانا روانہ کیا گیا ہے۔
اس موقع پر گورنر سندھ کا کہنا تھا کہ متاثرین کو تنہا نہیں چھوڑیں گے۔ متاثرین کی مدد ہم سب کی ذمہ داری ہے۔
ذرائع ابلاغ پر آنے والی خبروں کے مطابق پاکستان کی ساحلی پٹی پر رہنے والے ہزاروں لوگوں کو نقل مکانی کا عذاب سہنا پڑا ہے۔ متاثرین اس وقت بھی مختلف کیمپوں میں موجود ہیں جہاں ان کی حالت خراب ہے اور انھیں سہولیات کی کمی کا سامنا ہے۔