اسلام آباد: وفاقی حکومت نے 3 سالہ معاشی پلان جاری کر دیا جس میں وسط مدتی بجٹ اسٹریٹجی پیپر کے تحت اہداف مقرر جبکہ پلان کے تحت معاشی شرح نمو میں اضافہ، مہنگائی اور مالیاتی خسارہ کم کیا جائے گا۔
معاشی پلان کے مطابق ایف بی آر کی ٹیکس وصولیوں اور نان ٹیکس آمدنی میں اضافہ کیا جائے گا۔ وزارت خزانہ کی جانب سے جاری پلان میں بتایا گیا کہ 3 سال میں معاشی شرح نمو 5.5 فیصد تک بڑھانے کا ہدف مقرر کیا گیا ہے۔
وزارت خزانہ نے کہا کہ مالی سال 2027 تک اوسط مہنگائی کا ہدف 7 فیصد، برآمدات 37 ارب 95 کروڑ ڈالرز تک بڑھانے کا ہدف اور درآمدات کیلیے 67 ارب 8 کروڑ ڈالرز کا ہدف مقرر کیا گیا ہے۔
معاشی پلان میں 3 سال میں ایف بی آر ٹیکس وصولیاں 18 ہزار 47 ارب روپے تک بڑھانے کا ہدف، نان ٹیکس ریونیو کو 4 ہزار 93 ارب روپے تک بڑھانے کا ہدف مقرر کیا گیا جبکہ 2027 تک کُل وفاقی اخراجات کا تخمینہ 21 ہزار 218 ارب لگا دیا گیا۔
وزارت خزانہ نے بتایا کہ 3 سال میں صوبائی سرپلس بجٹ کا تخمینہ 1800 ارب روپے کرنے کا ہدف، 2027 تک مجموعی مالیاتی خسارہ 4.9 فیصد تک مقرر کرنے کا ہدف، پیٹرولیم لیوی کا ہدف 1438 ارب روپے مقرر کیا گیا ہے۔
اس میں مزید بتایا گیا کہ 2027 تک سود ادائیگیوں کا ہدف 10 ہزار 238 ارب روپے مقرر، دفاعی اخراجات کا تخمینہ 2578 ارب روپے، گرانٹس 2197 ارب، سبسڈیز کا ہدف 1569 ارب کرنے کا ہدف اور پنشن کے اخراجات کا تخمینہ 1341 ارب روپے لگایا گیا ہے۔