کوئٹہ: بلوچستان حکومت نے عوامی خدمت کی جانب ایک اور کامیاب قدم اٹھاتے ہوئے شہریوں کو بڑی خوشخبری سنا دی۔
سماجی رابطے کی ویب سائٹ ٹوئٹر پر وزیر اعلیٰ بلوچستان عبدالقدوس بزنجو نے اعلان کیا کہ 17 جولائی سے کوئٹہ میں گرین بس سروس کا آغاز کر دیا جائے گا جس سے متوسط طبقے کو سفر کی بہتر سہولت ملے گی۔
وزیر اعلیٰ نے بتایا کہ بزرگ خواتین، بچے اور طلبا اس سہولت سے استفادہ کر سکیں گے، گرین بس منصوبہ طویل عرصے سے تعطل کا شکار تھا لیکن رب کائنات کے فضل سے منصوبہ اب فعال ہونے جا رہا ہے۔
عبدالقدوس بزنجو نے اپنی ٹوئٹ میں لکھا کہ منصوبے کا افتتاح کوئی وی آئی پی نہیں بلکہ بس سے سفر کرنے والا عام شہری کرے گا۔ وزیر اعلیٰ بلوچستان نے سلسلہ وار دو ٹوئٹس میں بسوں کی تصاویر بھی شیئر کیں۔
Great news for Quetta's citizens, especially students! The Government of Balochistan is all set to introduce the Green Bus Service. Trial operations will kick off on July 13, and the full-scale operations will be inaugurated on Monday, July 17. After a year of dedicated…… 1/2 pic.twitter.com/HAs1Ty847K
— Mir Abdul Quddus Bizenjo (@AQuddusBizenjo) July 9, 2023