کراچی کے علاقے کلفٹن بلاک 2 میں کیش وین کا گارڈ رقم سے بھرے تھیلے لے کر فرار ہوگیا۔
اے آر وائی نیوز کے مطابق پولیس کا بتانا ہے کہ بینکوں کو رقم کی ترسیل پر مامور سیکیورٹی کمپنی کا گارڈ رکشے میں رقم سے بھرے تھیلے لے کر فرار ہوا۔
پولیس کا بتانا ہے کہ کیش وین میں دو گارڈ موجود تھے، ایک گارڈ ہوٹل کے قریب چائے پینے کے لیے اترا تھا۔
تفتیشی حکام کے مطابق وین میں سوار دوسرا گارڈ مبینہ طور پر 60 لاکھ روپے سے زائد رقم لے کر فرار ہوا جسے تلاش کیا جارہا ہے۔
پولیس حکام کا کہنا ہے کہ سیکیورٹی کمپنی سے ملزم کی تفصیلات حاصل کررہے ہیں۔