پشاور: امیرجماعت اسلامی حافظ نعیم الرحمان نے کہا ہے کہ حکومت کو بھاگنے نہیں دینگے معاہدہ پورا کراکے دم لیں گے۔
حافظ نعیم نے خطاب کرتے ہوئے کا کہ حکومت سے قوم اور میڈیا کے سامنے تحریری معاہدہ لیا ہے، اگر حکومت سمجھتی ہے یہ پہلے دھرنوں کی طرح معاہدہ ہوگا تو ایسا نہیں ہوگا، 41 دن رہ گئے ہیں، بجلی کی قیمت کم ہوگی تو ٹھیک نہیں توعوام کا حق ان کو دینگے۔
امیر جماعت اسلامی نے کہا کہ 41 دن میں حکومت نے ریلیف نہیں دیا تو پھرعوام کو ڈی چوک جانے سے نہیں روکوں گا، ہم آرام سے نہیں بیٹھے گے یہ 45 دن بھی ہمارے جلسے ہونگے۔
انھوں نے کہا کہ جماعت اسلامی دھرنا خود دیتی ہے خود ختم کرتی ہے امپائر کی انگلی کا انتظار نہیں کرتی، حکومت دھرنے کو تصادم میں تبدیل کرنے کی کوشش کررہی تھی۔
امیر جماعت اسلامی پاکستان نے مزید کہا کہ ہمیں کسی امپائر کی ضرورت نہیں ہے، ہم پھر جائیں گے خود جائیں گے۔
حافظ نعیم الرحمان کا حکومت کو متنبہ کرتے ہوئے کہنا تھا کہ ریلیف نہ ملا تو کراچی سے لے کر چترال تک سب لوگ قافلے کی صورت میں ڈی چوک جائیں گے۔