تحریک انصاف سے تعلق رکھنے والے اپوزیشن لیڈر سندھ حلیم عادل شیخ پر تشدد کب ہوا؟ کس نے کیا؟ تصویروں اور ویڈیو سےکچھ کہانی سامنےآگئی۔
حلیم عادل شیخ پر کیا واقعی تشدد ہوا؟ اگر ہوا تو انہیں کس نے مارا پیٹا؟ ایک ویڈیو اور کچھ تصویروں سےکہانی کچھ واضح ہوتی ہے۔
جیل حکام نےکچھ تصویریں جاری کی ہیں جن میں سندھ اسمبلی کےاپوزیشن لیڈر کو جاتا دیکھا جاسکتا ہے ان کے ساتھ ایک افسراورسات اہلکاربھی ہیں۔
جیل انتظامیہ نےدعویٰ کیا کہ حلیم عادل شیخ کی حفاظت کی جارہی ہے ان پرکسی نےتشدد نہیں کیا۔ اےآروائی نے ایک اور ویڈیوحاصل کی ہےجس میں حلیم عادل شیخ چلتےچلتےاچانک بھاگتے نظر آتے ہیں جیسےوہ کسی سےبچ رہے ہوں،گیٹ پرتعینات اہلکاربھی آگےکی طرف بھاگتےہیں۔
ذرائع کا کہنا ہےکہ جیل میں مخالف دھڑےکےکچھ قیدیوں نےپہلےنعرےلگائے پھرحلیم عادل شیخ کو مارا پیٹا یہ حملہ چند منٹوں سےزیادہ کا نہیں تھا،جس کےبعدحکام نےقابوپالیا۔
جیل حکام نعرےبازی کا تو اعتراف کرتےہیں لیکن تشدد ہونا ماننےکو تیار نہیں۔