شوبز انڈسٹری کی معروف اداکارہ عالیہ علی کو سمندر کی لہروں میں خوشی مل گئی۔
فوٹو اور ویڈیو شیئرنگ ایپ انسٹاگرام پر اداکارہ عالیہ علی نے نئی تصاویر شیئر کیں جس میں انہیں سمندر کے کنارے بیٹھے خوشگوار موڈ میں دیکھا جاسکتا ہے۔
اداکارہ نے چند تصاویر شیئر کیں جس میں انہیں گھڑ سواری کرتے بھی دیکھا جاسکتا ہے۔
عالیہ علی نے تصاویر شیئر کرتے ہوئے کیپشن میں لکھا کہ ’خوشی لہروں میں آتی ہے۔‘ انہوں نے تصاویر کے ساتھ بارش اور کراچی کا ہیش ٹیگ بھی استعمال کیا۔
انہوں نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
ایک مداح نے لکھا کہ ’بہت پیاری لگ رہی ہیں‘ ایک دوسرے مداح نے لکھا کہ ’دو دریا کی تصاویر ہیں۔‘
عالیہ علی سوشل میڈیا پر کافی متحرک رہتی ہیں اور اکثر اپنی تصاویر، ویڈیوز شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل بھی اداکارہ نے تصاویر شیئر کی تھیں جو وائرل ہوگئی تھیں۔
اداکارہ نے اے آر وائی ڈیجیٹل کے ڈرامہ سیریل ’من آنگن‘ میں ’اریبہ‘ کا کردار نبھایا اور وہ عمران اسلم (ثقلین) کی اہلیہ بنی تھیں۔
عالیہ علی اس کے علاوہ تقدیر، پیار دیوانگی ہے، نیلی زندہ ہے، بندھن، تیرے در پر، دہلیز میں بھی اداکاری کے جوہر دکھا چکی ہیں۔