لاہور: پاکستان کرکٹ بورڈ (پی سی بی) کے میڈیکل پینل ورلڈ کپ کے لیے قومی ٹیم کے اہم فاسٹ بولر کو فٹ قرار دے دیا۔
ایشیا کپ میں قومی ٹیم کے دو فاسٹ بولرز نسیم شاہ اور حارث رؤف انجری کا شکار ہوگئے تھے جس کے بعد ان کی ورلڈ کپ میں شرکت مشکوک ہوگئی تھی۔
تاہم شائقین کرکٹ کے لیے اچھی خبر ہے کہ ایک فاسٹ بولر کو پی سی بی میڈیکل پینل نے فٹ قرار دے دیا ہے۔
فاسٹ بولر حارث رؤف کو ٹیم سلیکشن کے لیے فٹ قرار دیا گیا ہے۔
حارث رؤف نے نیشنل کرکٹ اکیڈمی میں بولنگ کی جہاں میڈیکل پینل نے ان کی بولنگ کا جائزہ لیا اور انہیں قومی ٹیم میں سلیکشن کے لیے فٹ قرار دیا ہے۔
Glad to see that Haris Rauf has started regular bowling practice at the National Cricket Academy. pic.twitter.com/LL8YXjDAQk
— Nawaz 🇵🇰 (@Rnawaz31888) September 21, 2023
ویڈیو میں دیکھا جاسکتا ہے کہ فاسٹ بولر نے بولنگ پریکٹس شروع کردی ہے اور وہ ورلڈ کپ کے لیے قومی اسکواڈ کا حصہ ہوں گے۔
واضح رہے کہ حارث رؤف کو ایشیا کپ کے میچ میں فٹنس مسائل کا سامنا کرنا پڑا تھا نہیں بھارت کے خلاف میچ میں پسلیوں میں تکلیف ہوئی تھی جس کے باعث وہ سری لنکا کے خلاف اہم میچ نہیں کھیل سکے تھے۔