قومی ٹیم کے فاسٹ بولر حارث رؤف نے اہلیہ مزنا مسعود کے ساتھ شادی کی نئی تصاویر شیئر کردیں۔
فاسٹ بولر حارث رؤف نے ولیمے کے بعد ٹوئٹر اور انسٹاگرام اکاؤنٹ پر مزنا کے ہمراہ مہندی، بارات اور ولیمے کی تصاویر شیئر کیں جو سوشل میڈیا پر وائرل ہورہی ہیں۔
حارث رؤف نے اہلیہ اور اپنے ہاتھ میں مہندی لگی تصویر شیئر کی جو رسم کے دوران لی گئی تھی۔
حارث نے ایک تصویر بارات کی شیئر کی جس میں انہوں نے سیاہ رنگ کی شیروانی زیب تن کی جبکہ مزنا سرخ رنگ کے عروسی لباس میں ملبوس ہیں۔
کرکٹر کے ولیمے کی تصویر اسٹیڈیم میں لی گئی جس میں مزنا نے میکسی پہنی تھی جو کہ پیازی رنگ کی تھی۔
It’s always been you! ❤️ pic.twitter.com/z5m6v1lrAp
— Haris Rauf (@HarisRauf14) July 9, 2023
فاسٹ بولر کی تصاویر پر ساتھی کرکٹرز نے مبارک باد دی اور نیک خواہشات کا اظہار کیا۔
Congratulations both of you Bhai&Bhabi
Lots of prayers for you 🤲🏼 https://t.co/krIL15Qo5F— Hassan Ali 🇵🇰 (@RealHa55an) July 9, 2023
واضح رہے کہ حارث رؤف کے ولیمے کی تقریب اسلام آباد میں ہوئی تھی جس میں وزیر دفاع خواجہ آصف قومی ٹیم کے سابق کپتان مصباح الحق، اوپننگ بیٹر فخر زمان، آل راؤنڈر فہیم اشرف، سہیل تنویر اور موسیٰ خان بھی موجود تھے۔
Congratulations Stay Blessed both of you ✨
— Saeed Ajmal (@REALsaeedajmal) July 9, 2023
دعوت ولیمہ میں لاہور قلندرز کے چیف آپریٹنگ آفیسر عاطف رانا اور ہیڈ کوچ عاقب جاوید بھی موجود تھے۔
یاد رہے کہ گزشتہ برس دسمبر میں حارث رؤف اپنی کلاس فیلو مزنا مسعود ملک کے ساتھ رشتہ ازدواج میں منسلک ہوئے تھے۔