پاکستان کے معروف گلوکار ہارون رشید نے 2 دہائیاں قبل ریلیز کیے جانے والے اپنے مقبول گانے ’ محبوبہ‘ سے متعلق دلچسپ باتیں بتائیں ہیں جسے سن کر مداح حیران ہوگئے۔
برطانوی نژاد پاکستانی گلوکار، میوزک پروڈیوسر، ڈائریکٹر اور سماجی رکن ہارون رشید نے 2003 میں ریلیز ہونے البم ’لگن‘ کے سب سے مقبول گانے ’ محبوبہ‘ سے متعلق دلچسپ حقائق بیان کیے ہیں۔
گلوکار ہارون رشید نے بتایا کہ میں ’محبوبہ‘ گانے کی ویڈیو اہرام مصر میں ریکارڈ کرنا چاہتا تھا، جس کی وجہ سے میں نے اس وقت ایک آن لائن پروڈیکشن ہاؤس سے رابطی کیا اور مصر چلا گیا۔
برطانوی نژاد پاکستانی گلوکار نے بتایا کہ جب میں مصر پہنچا تو مجھے اس پروڈکشن ہاؤس کے ارکان نے بتایا اہرام مصر میں گانے کی شوٹنگ کرنا مجھے بہت مہنگی پڑے گی، جس پر ہزاروں ڈالر خرچ ہوں گے۔
انہوں نے کہا کہ پروڈکشن ہاؤس کی باتیں سن کر میں مایوس ہوگیا اور وطن واپسی آنے کی تیاری کرنے لگا لیکن میری واپسی سے قبل پروڈکشن ہاؤس کی خاتون پروڈیوسر نے مجھے مذکورہ گانا سنانے کی فرمائش کی تو حالات بدل گئے۔
ہارون رشید نے کہا کہ مصر کی اس خاتون پروڈیوسر کو میرا گانا ’ محبوبہ‘ بہت پسند آیا، وہ میرے گانے کی دیوانی ہوگئیں، انہوں نے گانے کو شاندار قرار دیتے ہوئے اپنی ایک خاتون دوست سے رابطہ کیا۔
گلوکار ہارون نے بتایا کہ پرویوسر نے اپنی جس خاتون دوست سے رابطہ کیا وہ مصر کے بڑے پروڈکشن ہاؤس کے مالک سے شادی کررکھی تھی، پھر ان کی مدد سے محبوبہ گانے کی شوٹنگ کو اہرام مصر میں شوٹ کیا گیا۔
انہوں نے دلچسپ حقائق بیان کرتے ہوئے کہا کہ ’محبوبہ‘ گانا ان کا مقبول ترین گانا بنا اور ان کے گانے کو مصر میں بھی پسند کیا گیا۔
واضح رہے کہ گلوکار ہارون برطانوی نژاد پاکستانی گلوکار، میوزک پروڈیوسر، ڈائریکٹر اور سماجی رکن ہیں۔
وہ 1990 کی دہائی میں معروف بینڈ آواز کا حصہ رہے جبکہ اس سے الگ ہوکر بھی متعدد مقبول گانے اور البمز جاری کیے
ان کا پہلا میوزک ایلبم ہارون کی آواز 2001 میں ریلیز ہوا جس کے بعد انہوں نے مزید 2 ایلبم ریلیز کیے مگر انہوں نے درجنوں سنگل گانے ریلیز کیے۔