لنکا پریمئر لیگ میں حسن علی نے بابراعظم کو آؤٹ کرنے پر جشن نہ منانے کی وجہ بتا دی۔
لیگ میں ہفتہ کی رات پریماداسا انٹرنیشنل کرکٹ اسٹیڈیم میں دمبولا نے کولمبو اسٹرائیکرز کے خلاف 50 رنز سے فتح حاصل کی۔
بین میک ڈرموٹ کی ناقابل شکست نصف سنچری، بنورا فرنینڈو، حسن علی، اور نور احمد کی نمایاں کارکردگیوں سے مکمل ہوئی۔ فرنینڈو، علی اور احمد نے مشترکہ طور پر سات وکٹیں حاصل کیں۔
"He is our king" @RealHa55an on why we didn't see his iconic celebration after taking Babar Azam's wicket in #LPL2023 for @dambullaAura 🏏🇱🇰🇵🇰 pic.twitter.com/K4kwvZNk3Q
— Azzam Ameen (@AzzamAmeen) August 13, 2023
حسن علی کی باؤلنگ کا مظاہرہ خاص طور پر شاندار تھا انہوں نے اپنے چار اوور کے اسپیل میں متاثر کن طور بولنگ کرتے ہوئے صرف 16 رنز دے کر تین وکٹیں حاصل کیں۔ ساتھ ہی انہوں نے بابراعظم کی وکٹ بھی لی۔
بابراعظم کی وکٹ لینے کے بعد حسن علی نے جشن نہیں منایا۔ میچ کے بعد کے انٹرویو میں حسن علی نے کہا کہ وہ ہمارا کنگ اور کپتان ہے، اس لیے ہمیشہ احترام کا عنصر ہوتا ہے اور اسی وجہ سے میں نے جشن نہیں منایا۔
انہوں نے کہا کہ میرے خیال میں انہیں آؤٹ کرنا ہی میرے لیے بہت بڑا جشن ہے ہم جانتے ہیں کہ وہ کسی بھی وقت کھیل بدل سکتا ہیں۔