شوبز انڈسٹری کی معروف اداکارہ حنا چوہدری نے بیٹی کے اسکول جانے کی تصاویر شیئر کردیں۔
اے آر وائی ڈیجیٹل کے ڈرامہ سیریل ’رسم وفا‘ میں اداکارہ حنا چوہدری ’نور‘ کا مرکزی کردار نبھا رہی ہیں جس میں ان کے ساتھ ارسلان خان ’اسامہ‘ کے کردار میں موجود ہیں۔
اداکارہ نے ننھی بیٹی اوجا کے پہلے دن اسکول جانے کی تصاویر شیئر کرتے ہوئے طویل پیغام بھی شیئر کیا ہے۔
حنا نے لکھا کہ میری بیٹی نے آج اسکول جانا شروع کیا یقین نہیں آتا کہ وہ کتنی تیزی سے بڑی ہورہی ہے، ایک ماں کے طور پر یہ خوشی، فخر کی بات ہے۔
انہوں نے لکھا کہ والد اور والدہ آپ سے بہت پیار کرتے ہیں۔
View this post on Instagram
حنا چوہدری نے لکھا کہ جب آپ بڑی ہوں گی اور ان تصویروں کو واپس دیکھیں گی، مجھے امید ہے کہ آپ یہ جان کر فخر محسوس کریں گی کہ آپ کے والدین نے آپ کے ہر سنگ میل کو پیار سے منایا۔
اس سے قبل انٹرویو میں اداکارہ نے بتایا تھا کہ شوہر علی فاروق سے پہلی ملاقات یونیورسٹی میں ہوئی تھی۔
ان کا کہنا تھا کہ ہماری یونیورسٹی میں بھی ون آن ون کبھی بات نہیں ہوئی کیونکہ یہ فیکلٹی میں تھے زیادہ کام کے حوالے سے بات ہوتی تھی، اس کے بعد علی یونیورسٹی چھوڑ گئے اور کوئی کمپنی جوائن کرلی تھی، میرا یونیورسٹی میں کوئی جان پہچان والا نہیں تھا تو میں اپنے مسائل ان سے شیئر کرتی تھی۔
اداکارہ کا کہنا تھا کہ مجھے اکنامکس شروع سے برا سبجیکٹ لگتا تھا اور علی اس میں گولڈ میڈلسٹ تھے تو مجھے یہ تھا کہ کوئی بندہ مجھے پڑھا دے تو پاس ہوجاؤں، امی نے مشورہ دیا تھا کہ علی سے کہو کہ وہ تمہیں پڑھا دے پھر انہوں نے مجھے پڑھایا تھا۔
حنا چوہدری کا کہنا تھا کہ میری امی اور بہن کو علی بہت اچھے لگتے ہیں، یہ بہت ذمہ دار ہیں ابو لاہور میں نہیں تھے اور بھائی بھی نہیں تھا تو ہمیں جس بھی چیز کی ضرورت ہوتی تھی تو یہ کام آتے تھے۔