شوبز انڈسٹری کی ابھرتی ہوئی اداکارہ حرا عمر نے بے پناہ محبت کے لیے مداحوں کا شکریہ ادا کیا ہے۔
فوٹو اور ویڈیو شیئرنگ ایپ انسٹاگرام پر اداکارہ حرا عمر نے ڈرامہ سیریل ’جیسے آپ کی مرضی‘ کے سیٹ سے اپنی مہندی کی تصاویر شیئر کیں جس میں انہیں خوشگوار موڈ میں دیکھا جاسکتا ہے۔
حرا عمر نے کیپشن میں لکھا کہ ’بے پناہ محبت کے لیے جیسے آپ کی مرضی کے تمام مداحوں کا بہت شکریہ۔‘
انہوں نے کہا کہ آپ لوگوں نے اس ڈرامے کو ہٹ کردیا ہے، میں تمام محبت اور تنقید کی تعریف کرتی ہوں، یہ دیکھ کر بہت افسوس ہوا کہ آپ میں سے کتنے لوگ اس کہانی سے تعلق رکھتے ہیں پھر بھی معاشرے میں جذباتی زیادتی کو پوری طرح سے تسلیم نہیں کیا جاتا۔
اداکارہ نے کہا کہ اس ڈرامے نے مجھے رشتوں میں بدسلوکی کے خلاف کھڑے ہونے کی اجازت دی اور میں ایسے گھرانوں میں پھنسے لوگوں کے لیے آواز بن کر خوش ہوں۔
انہوں نے لکھا کہ اگر میں بدسلوکی کے بارے میں بیداری پیدا کرنے میں تھوڑا سا حصہ ڈالتی ہوں تو یہ ایک اچھے مقصد کے لیے ایک چھوٹا قدم لگتا ہے، ایک بار پھر شکریہ۔
واضح رہے کہ جیسے آپ کی مرضی میں حرا عمر، درفشاں سلیم کی بہن ’رمزا‘ کا کردار نبھا رہی ہیں، دیگر کاسٹ میں میکال ذوالفقار، عتیقہ اوڈھو، جاوید شیخ شامل ہیں۔