ملک میں کتنے ووٹرز ہیں؟ تفصیلات جانیے

الیکشن کمیشن نے 31 مئی 2023 تک رجسٹرڈ ووٹرز کے اعداد و شمار جاری کر دیے۔

الیکشن کمیشن کے مطابق ملک میں رجسٹرڈ ووٹرز کی تعداد 12 کروڑ 59 لاکھ 63 ہزار 598 ہے جس میں مرد ووٹرز کی تعداد 6 کروڑ 80 لاکھ 48 ہزار 816 جب کہخواتین ووٹرز کی تعداد 5 کروڑ 79 لاکھ 14 ہزار 782 ہے۔

مرد ووٹرز کا تناسب 54.02 فیصد ہے اور خواتین ووٹرز کا تناسب 45 اعشاریہ 98فیصد ہے۔

پنجاب میں رجسٹرڈ ووٹرز کی تعداد 7 کروڑ 16 لاکھ 6 ہزار 379 ہے۔ سندھ میں 2 کروڑ 64 لاکھ 88 ہزار 841 رجسٹرڈ ووٹرز ہیں۔ خیبرپختونخوا میں 2 کروڑ 15 لاکھ 82 ہزار 556 رجسٹرڈ ووٹرز ہیں۔

بلوچستان میں رجسٹرڈ ووٹرز کی تعداد 52 لاکھ 60 ہزار 247 ہے جب کہ اسلام آباد میں رجسٹرڈ ووٹرز کی تعداد 10 لاکھ 25 ہزار 575 ہے۔

اسی طرح 18 سے 25سال ووٹرز کی تعداد 2کروڑ 34 لاکھ37ہزار 469 ہے، 26سے35سال ووٹرز کی تعداد 3کروڑ 26 لاکھ 59 ہزار 604 ہے۔ 36 تا 45 سال ووٹرز کی تعداد 2کروڑ 77 لاکھ 64 ہزار245ہے۔