کیا آپ جانتے ہیں کہ بھارتی یوٹیوبر بھوون بام یو ٹیوب سے کتنا کماتے ہیں؟

ہندوستان کے معروف یوٹیوبر بھوون بام، جو اپنی بڑے پیمانے پر مقبول سیریز بی بی کی وائنز کے لیے مشہور ہیں، انہوں نے اپنے ہنر اور مزاحیہ ویڈیوز کی وجہ سے غیر معمولی شہرت اور فتح کے جھنڈے گاڑ دیئے ہیں۔

بھارتی یو ٹیوبر نے یو ٹیوب سے نہ صرف بے پناہ مقبولیت حاصل کی بلکہ غیر معمولی رقم کما کر بڑے بڑے یو ٹیوبرز کو پیچھے چھوڑ دیا۔

اطلاعات کے مطابق بھارتی یو ٹیوبر بھوون بام کی یوٹیوب ویڈیوز سے آمدن کی مجموعی مالیت 100 کروڑ سے تجاوز کرچکی ہے، جس کے باعث وہ تفریحی میدان میں سب سے زیادہ امیر ہندوستانی یو ٹیوبر بن چکے ہیں۔

بھارتی یو ٹیوبر بھوون نے اپنے یوٹیوب کیریئر کا آغاز 2015 میں کیا تھا اور اب ان کے صارفین کی تعداد 26.3 ملین تک پہنچ چکی ہے۔

ان کے چینل پر اپ لوڈ کردہ 190 ویڈیوز لاکھوں ویوز کو عبور کر چکی ہیں، OTT پلیٹ فارمز اور میوزک ویڈیوز میں ان کے وینچرز کے ساتھ، بھوون نے اپنے کیریئر کو بنایا اور اسی کی مدد سے خوب دولت بھی کمائی۔

بھوون بام اب ہندوستان کی تفریحی صنعت میں ویب سیریز، فلموں اور یوٹیوب سمیت دیگر ذرائع سے بڑی آمدنی حاصل کرنے میں مصروف ہیں۔