ممبئی (27 اگست 2025): بالی وڈ کے سُپر اسٹار ہریتک روشن نے اپنا پُرتعیش فلیٹ گرل فرینڈ صبا آزاد کو رہائش کیلیے دے دیا۔
انڈین میڈیا کے مطابق ہریتک روشن نے صبا آزاد کو 75 ہزار (بھارتی روپے) ماہانہ کے عوض ممبئی میں موجود فیلٹ کرائے پر دیا جو سمندر کے سامنے ہے۔
فلیٹ جوہو ورسوا لنک روڈ پر منت اپارٹمنٹس میں واقع ہے جو شہر ایک اہم مقام ہے۔ سرکاری دستاویزات سے پتا چلا کہ کرایہ کے معاہدے پر 4 اگست 2025 کو دستخط کیے گئے اور 1.25 لاکھ کی رقم بطور ایڈوانس جمع کی گئی۔
فیلٹ تقریباً 12000 اسکوائر فٹ پر پھیلا ہوا ہے جس کی تین منزلیں 18ویں، 19ویں اور 20ویں منزل ہریتک روشن کی ملکیت ہیں۔
بالی وڈ اداکار نے دو الگ الگ رجسٹریشن معاہدوں کا استعمال کرتے ہوئے اکتوبر 2020 میں بلڈر سمیر بھوجانی سے 97.5 کروڑ میں یہ فلیٹ خریدا تھا۔
واضح رہے کہ ہریتک روشن نے جنوری 2025 میں ممبئی کے گورگاؤں علاقے میں 2727 اسکوائر فٹ کمرشل پلاٹ 5.62 لاکھ ماہانہ کرایہ دیا۔
جبکہ مئی میں انہوں نے اور والد راکیش روشن کے ہمراہ اندھیری میں 6.75 کروڑ میں تین رہائشی اپارٹمنٹس بیچے۔ منّت اپارٹمنٹس کی عمارت میں گجرات تھیمس بائیوسین لمیٹڈ نے 2023 میں 3600 اسکوائر فٹ کا فلیٹ 6 لاکھ ماہانہ کرایہ پر لیا تھا۔
اس معاہدے میں 64,500 کی اسٹامپ ڈیوٹی اور 1,000 کی رجسٹریشن فیس شامل تھی۔