بھارت کے حیدرآباد میں ایک دل دہلا دینے والا واقعہ رونما ہوا، بیوی نے اپنے عاشق کے ساتھ مل کر اپنے شوہر کو موت کی نیند سلادیا۔
بھارتی میڈیا رپورٹس کے مطابق پولیس کا اس حوالے سے کہنا ہے کہ اللہ پور کے علاقے میں بیوی نے اپنے عاشق کے ساتھ مل کر شوہر کو بے رحمی سے قتل کردیا۔
رپورٹس کے مطابق تبسّم نامی خاتون نے اپنے عاشق کے ساتھ مل کر سوتے ہوئے شوہر محمد شازل پر حملہ کیا اور تکیے سے منہ دبا کر بے رحمی سے موت کے گھاٹ اُتار دیا۔
پولیس نے نعش کو قبضے میں لے کر مقدمہ درج کرتے ہوئے تفتیش کا آغاز کردیا ہے، اس ہولناک واردات کے بعد علاقے میں خوفناک و ہراس پھیل گیا، پولیس کے مطابق کیس کی مزید تہلکہ خیز تفصیلات جلد سامنے لائی جائیں گی۔
بیوی نے بیٹے کے ساتھ مل کر شوہر کو قتل کردیا
سندھ کے شہر شہداد کوٹ میں بیوی نے بیٹے کے ساتھ مل کر شوہر کو قتل کردیا۔
اے آر وائی نیوز کے مطابق ڈی ایس پی کا کہنا ہے کہ شوہر کے قتل میں ملوث بیوی اور بیٹے کو گرفتار کرلیا گیا، 5 روز قبل شہری غلام نبی کو گھر میں قتل کیا گیا تھا۔
ملزمان نے ڈکیتی مزاحمت پر قتل کا بیان دیا تھا، بیوی نے منصوبہ بندی کی اور بیٹے نے باپ کو قتل کیا۔ پولیس کو دیے گئے بیان میں ملزم نے کہا کہ گھر میں اکثر جھگڑے ہوتے تھے، تنگ آکر وقالد کو قتل کیا۔
چند ماہ قبل سرگودھا میں اولاد نہ ہونے پر شوہر نے پہلی بیوی کے ساتھ مل کر دوسری بیوی کو قتل کردیا تھا۔
شوہر اور سسرالیوں نے گھریلوجھگڑے پر خاتون کو زہر پلا کر قتل کردیا
پولیس کے مطابق سرگودھا میں اولاد نہ ہونے کی بنیاد پر خاتون کو قتل کیے جانے کا مقدمہ اس کے شوہر اور سوکن کے خلاف درج کرلیا گیا تھا جب کہ ملزمان فرار ہوگئے تھے۔
پولیس کا کہنا تھا کہ ملزم نے جون 2024 میں دوسری شادی کی تھی، دوسری بیوی کے ہاں بھی اولاد نہ ہونے پر لڑائی جھگڑے شروع ہوگئے تھے۔