آسٹریلوی کپتان پیٹ کمنز اور عثمان خواجہ نے آئی سی سی ایوارڈز جیت لیے۔
آسٹریلوی کپتان پیٹ کمنز کو آئی سی سی کرکٹ آف دی ایئر قرار دیا گیا ہے جبکہ عثمان خواجہ نے ٹیسٹ کرکٹر آف دی ایئر کا ایوارڈ جیت لیا ہے۔
عثمان خواجہ نے سال 2023 میں شاندار پرفارمنس کا مظاہرہ کرتے ہوئے 13 میچوں میں 1210 رنز اسکور کیے۔
ٹیسٹ کرکٹر آف دی ایئر کے لیے خواجہ کے ساتھ جو روٹ، روی چندرن ایشون اور ٹریوس ہیڈ کو نامزد کیا گیا تھا۔
واضح رہے کہ گزشتہ روز بھارت کے سوریا کمار یادیو مسلسل دوسری بار آئی سی سی ٹی 20 ایئر آف ایئر کا ایوارڈ جیتننے میں کامیاب ہوئے تھے۔
انٹرنیشنل کرکٹ کونسل (آئی سی سی) نے ’مینز ون ڈے اور ٹی 20 ٹیمز آف دی ایئر 2023‘ کا اعلان کر دیا ہے۔
آئی سی سی کے مطابق انڈین کرکٹر روہت شرما کو ون ڈے ٹیم آف دی ایئر کا کپتان مقرر کیا گیا ہے اور ٹیم کے کپتان سمیت اس ٹیم میں 6 کھلاڑیوں کا تعلق انڈیا سے ہے جن میں ویرات کوہلی، شبمن گل، محمد سراج، کلدیپ یادو اور محمد شامی شامل ہیں۔
ون ڈے ٹیم آف دی ایئر میں آسٹریلین کرکٹرز ٹریوس ہیڈ اور ایڈم زمپا، جنوبی افریقہ کے ہینرک کلاسن اور مارکو جینسن اور نیوزی لینڈ کے ڈیرل میچل شامل ہیں۔