پاکستان کرکٹ ٹیم کے سابق بلے باز نے انٹرنیشنل کرکٹ کونسل (آئی سی سی) کو قومی اسٹار بیٹر بابر اعظم کا دشمن کہہ ڈالا۔
سابق قومی کرکٹر اور موجودہ تجزیہ کار نے اپنے یو ٹیوب چینل پر آئی سی سی رینکنگ پر سوالات اٹھاتے ہوئے اپنے شکوک و شبہات کا اظہار کرتے ہوئے انٹرنیشنل کرکٹ کونسل پر مبینہ بابر اعظم دشمن کا کردار ادا کرنے کا الزام عائد کرتے ہوئے کہا ہے کہ بابر اعظم کو مسلسل ٹاپ بلے باز رکھنے سے آئی سی سی کے مذموم مقاصد ہوسکتے ہیں۔
آئی سی سی کی جاری کردہ حالیہ ون ڈے رینکنگ میں قومی کپتان بابر اعظم بدستور پہلے نمبر پر براجمان ہیں۔ بھارتی کپتان روہت شرما دوسرے جب کہ شبھمن گل تیسرے اور ویرات کوہلی چوتھے نمبر پر موجود ہیں۔
اے اسپورٹس ویب سائٹ کے مطابق باسط علی نے اپنے یوٹیوب چینل پر اظہار خیال کرتے ہوئے کہا کہ بابراعظم نے آخری ون ڈے میچ پچھلے سال کے ورلڈ کپ کے دوران کھیلا تھا، جہاں وہ سنچری بنانے میں ناکام رہے جبکہ اس دوران دیگر بیٹرز جن میں راچن رویندرا، کوئنٹن ڈی کاک، ٹریوس ہیڈ، اور ویرات کوہلی شامل تھے بہترین کھیل کا مظاہرہ کیا لیکن وہ رینکنگ میں نیچے ہیں۔
انہوں نے خوش اسلوبی سے کہا کہ گورننگ باڈی بابراعظم کو نمبر ون پوزیشن پر رکھ سکتی ہے تاکہ ان کی مزید بہتری میں رکاوٹ پیدا ہوسکے۔
باسط علی نے دعویٰ کیا کہ شاید آئی سی سی رینکنگ بابراعظم کی مخالفت میں کام کر رہی ہے۔ اگر آپ بابر سے پوچھیں کہ موجودہ نمبر ایک کون ہے تو وہ ٹریوس ہیڈ یا ویرات کوہلی کو بھی چنیں گے۔
https://urdu.arynews.tv/series-against-bangladesh-another-record-waiting-for-babar-azam/