انٹرنیشنل کرکٹ کونسل (آئی سی سی) نے ٹیسٹ پلیئرز کی نئی رینکنگ جاری کردی ہے۔
آئی سی سی کی جانب سے جاری کردہ نئی پلیئرز رینکنگ میں ویرات کوہلی کی 6 درجہ ترقی ہوئی ہے جبکہ بابر اعظم ایک درجہ تنزلی کے بعد 12ویں پوزیشن پر چلے گئے ہیں۔
بیٹرز میں انگلینڈ کے جوروٹ کی پہلی پوزیشن برقرار ہے جب کہ نیوزی لینڈ کے کین ولیمسن دوسری اور بھارت کے یشسوی جیسوال 2 درجے بہتری کے بعد تیسری پوزیشن پر آگئے ہیں۔
بھارتی ٹیم کے سابق کپتان ویرات کوہلی چھٹے نمبر پر پہنچ گئے ہیں جبکہ پاکستان کے محمد رضوان ایک درجہ بہتری کے بعد ساتویں نمبر پر براجمان ہیں۔
ٹیسٹ ٹیم کی نئی بولنگ رینکنگ میں بھارت کے جسپریت بمراہ پہلے نمبر پر براجمان ہیں۔
بھارت کے روی چندرن ایشون کی دوسری پوزیشن برقرار ہے جب کہ قومی ٹیم کے فاسٹ بولر شاہین آفریدی 4 درجہ تنزلی کے بعد 14 ویں نمبرپرچلےگئے ہیں۔
ٹیسٹ آل راؤنڈرز میں بھارت کے رویندرا جڈیجا کی پہلی پوزیشن برقرار ہے، اسی طرح روی چندرن ایشون کی دوسری اور ایک درجہ بہتری کے بعد جوروٹ کی تیسری پوزیشن ہے۔