بھارت میں رواں سال ہونے والے آئی سی سی ایک روزہ عالمی کپ کا پرومو اور تھیم جاری کر دی گئی ہے جس میں پاک بھارت کرکٹ کو خاص اہمیت دی گئی ہے۔
اے آر وائی نیوز کے مطابق آئی سی سی ورلڈ کپ 2023 کا پرومو اور تھیم جاری کر دیا گیا ہے۔ دو منٹ 13 سیکنڈ پر مشتمل اس تھیم کی ویڈیو میں شریک تمام ٹیموں کی جھلکیا دکھائی گئی ہیں تاہم روایتی حریف پاکستان اور بھارت مقابلے کو خاص اہمیت دی گئی ہے۔
اس پرومو کی تھیم It takes one day کے نام سے رکھی گئی ہے جس میں گزشتہ ورلڈ کپ کی یادگار جھلکیوں کے ساتھ میدان میں کھیل کے پرجوش لمحات کے ساتھ کرکٹ شائقین کا جوش وخروش بھی دکھایا گیا ہے۔
History will be written and dreams will be realised at the ICC Men's Cricket World Cup 2023 🏆
All it takes is just one day ✨ pic.twitter.com/A88Lvq8pUC
— ICC Cricket World Cup (@cricketworldcup) July 20, 2023
یہ پرومو آئی سی سی کی ٹوئٹر پر آفیشل ویب سائٹ پر جاری کیا گیا ہے جس پر کیپشن دیا گیا ہے کہ ’’ آئی سی سی مینز کرکٹ ورلڈ کپ 2023 میں تاریخ لکھی جائے گی اور خواب شرمندہ تعبیر ہوں گے۔‘‘
اس رنگا رنگ پرومو کا اختتام بالی ووڈ اسٹار شاہ رخ خان پر ہوتا ہے جو ورلڈ کپ کی ٹرافی کے ساتھ کھڑے نظر آتے ہیں۔