جاپان دنیا کے ان ممالک میں شمار ہوتا ہے جہاں سب سے زیادہ زلزلے آتے ہیں اب وہاں قدرتی آفات کے دوران شہریوں کو خوراک کی مفت فراہمی کا سلسلہ شروع کیا جا رہا ہے۔
غیر ملکی میڈیا کے مطابق جاپان جس کو زلزلے کی صورت قدرتی آفات کا سب سے زیادہ سامنا کرنا پڑتا ہے اب اس سے نمٹنے کے لیے اقدامات کر رہا ہے اور ایمرجنسی صورتحال کے دوران شہریوں کو کھانے پینے کی مفت خورک فراہم کرنے کے لیے وینڈنگ مشینیں نصب کر رہا ہے۔
رپورٹ کے مطابق اس کا آغاز جاپان کے ساحلی شہر اکو سے کیا جا رہا ہے جہاں خطرناک زلزلے کا خطرہ رہتا ہے۔ اس شہر میں دو وینڈنگ مشینوں پر تجرباتی کام شروع کیا گیا ہے جو قدرتی آفات کی ایمرجنسی صورتحال کے دوران شہریوں کو کھانے پینے کی اشیا مفت فراہم کریں گی۔
ان وینڈنگ مشینوں میں سوڈے کی 300 بوتلیں اور 150 ایمرجنسی فوڈ اٹئمز ہیں جبکہ ان مشینوں ایسے لاکر بھی نصب ہیں جن میں حفظان صحت کی اہم چیزیں جیسے پورٹ ایبل ٹوئلٹس اور ماسکس وغیرہ بھی میسر ہیں۔ یہ وینڈنگ مشینیں زلزلے یا کسی دوسری قدرتی آفت پر مقامات خالی کرنے کے حکم پر کھل جاتی ہیں۔
جاپانی خبر رساں ایجنسی کے مطابق یہ ایمرجنسی وینڈنگ مشینیں میونسیپلٹی اور ٹوکیو کی فارماسیٹوکل فرم ’ارتھ کورپوریشن‘ کا مشترکہ پروجیکٹ ہیں جو اُن عمارتوں کے قریب نصب کی گئی ہیں جہاں زلزلے سے بچنے کے شیلٹر تعمیر کیے گئے ہیں۔
اس کمپنی نے 2020 میں جاپان بھر کی 17 میونسپلٹیز سے مقامی مسائل کے حل کے لیے معاہدے کیے ہیں جس میں اکو میں نصب کی جانے والی یہ مشین اپنی طرز کی پہلی مشین ہے۔
دارالحکومت ٹوکیو میں ایک ایسی وینڈنگ مشین نصب کی گئی ہے جس میں ریڈیو نصب ہے جس پر ایمرجنسی کے وقت معلوماتی نشریات جاری کی جائیں گی۔ یہ ریڈیو خطرناک زلزلوں میں ایکٹیو ہوگا اور مقامی آبادی کو جگہ خالی کرنے اور دیگر اہم معلومات فراہم کرے گا۔
اس حوالے کمپنی کے نمائندے کا کہنا ہے کہ ہم اسے بطور سماجی بہبود کے پروجیکٹ کے طور پر پورے ملک میں پھیلانا چاہتے ہیں۔