کراچی : ممتاز دفاعی تجزیہ کار اکرام سہگل کو کے الیکٹرک کا نیا چیئرمین مقرر کر دیا گیا، ترجمان کے الیکٹرک کا کہنا ہے کہ نئے چیئرمین کی تقرری کے بارے میں اسٹاک ایکسچینج کو مطلع کیا جاچکا ہے۔
تفصیلات کے مطابق معروف دفاعی تجزیہ کار اکرام سہگل کو کراچی الیکٹرک کا نیا چیئرمین مقر کیاگیا، کے الیکٹرک کے بورڈ نے اکرام سہگل کی تقرری کی منظوری دی۔
ترجمان کے الیکٹرک کا کہنا ہے کہ نئے چیئرمین کی تقرری کے بارے میں اسٹاک ایکسچینج کو مطلع کیا جاچکا ہے۔
اکرام سہگل نے اکتوبر انیس سو پینسٹھ میں پاکستان ملٹری اکیڈمی کاکول سے گریجویٹ کیا، انیس سو تہیتر میں بلوچستان میں گوریلا آپریشن کا حصہ رہے، انہوں نے کمرشل پائلٹ کے طور پر بھی خدمات انجام دیں۔
اس وقت پاتھ فائنڈر گروپ پاکستان میں چیئرمین کی ذمہ داریاں انجام دے رہے ہیں، اس کے علاوہ ورلڈ اکنامک فورم، انٹرنیشنل آرگنائزیشن فار مائیگریشن سمیت کئی بین الاقوامی تنظیموں میں بھی فعال کردار ادا کر رہے ہیں۔