بالی ووڈ کی معروف اداکارہ وانی کپور کو 2018 کی فلم ’ریڈ‘ کے سیکوئل ’ریڈ 2‘ میں الیانا ڈی کروز کی جگہ شامل کرلیا گیا ہے۔
بھارتی میڈیا رپورٹس کے مطابق فلم ’ریڈ‘ سچے واقعات پر مبنی ہے جس میں اجے دیوگن نے انڈین ریونیو سروسز (آئی ار آیس) افسر امے پٹنائک کا کردار نبھایا تھا اور الیانا ڈی کروز ان کی بیوی کے کردار میں جلوہ گر تھیں۔
View this post on Instagram
اجے دیوگن اور ان کی ٹیم نے منی لانڈرنگ کے حوالے سے ایک خفیہ اطلاع پر لکھنؤ میں رامیشور ’ارجی سنگھ‘ عرف ’تاؤجی‘ (سوربھ شکلا) کی رہائشگاہ پر چھاپہ مارا تھا۔
میڈیا رپورٹس کے مطابق اجے دیوگن اور سوربھ شکلا سیکوئل میں اداکاری کے جوہر دکھائیں گے لیکن الیانا ڈی کروز نے نجی زندگی پر توجہ مرکوز کرنے کے لیے فلم سے علیحدگی اختیار کرلی جس کے بعد ان کی جگہ وانی کپور کو سیکوئل میں شامل کیا گیا ہے۔
View this post on Instagram
وانی کپور اس سے قبل بالی وڈ کی فلموں شدھ دیسی رومانس، چندی گڑھ کرے عاشقی اور وار میں مرکزی کردار نبھا چکی ہیں۔
ریڈ 2 کی شوٹنگ ممبئی، دہلی، اترپردیش اور راجستھان میں ہوگی، پروڈیوسرز کا دعویٰ ہے کہ سیکوئل میں ڈبل ڈرامہ اور سسپنس ہوگا۔
The wait is over! Ajay Devgn is back as IRS Officer Amay Patnaik in #Raid2, ready to bring another true case to the big screen on 15th November 2024!@ajaydevgn @rajkumar_rkg #BhushanKumar #KrishanKumar @KumarMangat @AbhishekPathakk @TSeries @PanoramaMovies #ShivChanana… pic.twitter.com/5F010yu6Jq
— T-Series (@TSeries) January 6, 2024
واضح رہے کہ ریڈ 2 کی ہدایت کاری کے فرائض راج کمار گپتا انجام دے رہے ہیں، فلم رواں برس 15 نومبر کو بڑے پردے کی زینت بنے گی۔