الجزائر سے تعلق رکھنے والی اولمپک باکسنگ چیمپئن ایمان خلیف کی نئی ویڈیو نے سوشل میڈیا پر تہلکہ مچادیا ہے۔
فوٹو اینڈ شیئرنگ ایپ انسٹاگرام پر الجزائر کے ایک میک اپ آرٹسٹ نے ایک ویڈیو شیئر کی ہے جس میں ایمان خلیف کا میک اپ میں دکھایا گیا ہے۔
View this post on Instagram
ویڈیو میں دیکھا جاسکتا ہے کہ ایمان خلیف پنک سوٹ میں خوبصورت نظر آرہی ہیں ساتھ ہی انہوں نے اپنا گولڈ میڈل بھی گلے میں پہن رکھا ہے۔
میک اپ آرٹسٹ نے ایمان خیلف کی ویڈیو شیئر کرتے ہوئے لکھا کہ ’ کپڑے اور ظاہری شکل یہ نہیں بتاتے کہ آپ کیا ہیں، ایمان نے کبھی بھی اپنی ظاہری کو بدلنے کی کوشش نہیں کی، اس ویڈیو میں ’’اس کا پیغام بہت گہرا ہے‘‘۔‘
میڈیا رپورٹس کے مطابق اولمپکس چیمپئن بننے کے بعد ایمان خیلف کا 12 اگست کو الجزائر میں شاندار استقبال کیا گیا، ایمان خیلف کا گولڈ میڈل الجزائر میں خواتین کی باکسنگ کا پہلا تمغہ ہے۔
View this post on Instagram
خیال رہے کہ اولمپکس میں باکسنگ کے مقابلے میں ایمان خلیف نے سونے کا تمغہ اپنے نام کیا تھا، ایمان خلیف اس وقت شہ سرخیوں کا حصہ بنیں جب پیرس اولمپک میں ان کی حریف اطالوی باکسر انجیلا کیرینی صرف 46 سیکنڈ میں میچ سے یہ کہتے ہوئے دستبردار ہو گئیں کہ اس سے قبل انہیں اتنا وزنی مکا کسی باکسر کا نہیں لگا۔
بعد ازاں عالمی رہنماؤں اور مشہور شخصیات نے ایمان خلیف کی اہلیت اور جنس پر سوال اٹھایا اور جھوٹا دعویٰ کیا کہ وہ مرد ہیں۔