جون میں پاکستانیوں نے بیرون ملک سے کتنے کروڑ روپے کے موبائل فون منگوائے؟

اسلام آباد : ایک ماہ میں موبائل فونز کی درآمد میں 40.26 فیصد کا اضافہ ریکارڈ کیا گیا، صرف جون 2025 میں 39 ارب 46 کروڑ روپے کے موبائل فون منگوائے گئے۔

تفصیلات کے مطابق ملک میں موبائل فونز درآمد کی تفصیلات سامنے آگئی ، جس میں بتایا ایک ماہ میں موبائل فونز کی درآمد میں 40.26 فیصد کا اضافہ ریکارڈ کیا گیا۔

دستاویز میں کہا گیا کہ جون 2025 میں 39 ارب 46 کروڑ روپے کے موبائل فون منگوائے گئے جبکہ مئی میں 28 ارب 13 کروڑ 20 لاکھ روپے کے موبائل منگوائے گئے تھے۔

دستاویز میں کہنا تھا کہ گزشتہ مالی سال 417 ارب 35 کروڑ 10 لاکھ روپے کے موبائل فون منگوائے گئے اور مالی سال 24-2023 میں 535 ارب 69 کروڑ روپے کے موبائل درآمد ہوئے تھے۔

https://urdu.arynews.tv/dollar-currency-rate-pakistan-today/

دستاویز کے مطابق مئی کی نسبت جون میں ٹیلی کام مصنوعات کی درآمدات 27.39 فیصد بڑھیں، جون  2025 میں 58  ارب 60 کروڑ 70 لاکھ روپے کی ٹیلی کام مصنوعات منگوائی گئیں۔

دستاویز میں مزید کہا گیا کہ جولائی تا جون 2024-25 میں 586 ارب 48 کروڑ روپےکی مصنوعات امپورٹ ہوئیں، اس عرصےمیں 169 ارب 12کروڑ 70 لاکھ روپے کا دیگر سامان منگوایا گیا جبکہ رواں سال جون میں 19 ارب 15 کروڑ روپے کی موبائل فون کا ساز و سامان درآمد کیا گیا۔