عمران خان قومی ٹیم کی سیمی فائنل میں رسائی کے حوالے سےپرامید

پاکستان تحریک انصاف کے سربراہ عمران خان کا کہنا ہھے کہ انہیں امید ہے کہ پاکستانی ٹیم ورلڈ ٹی ٹوئنٹی کے آنے والے میچز میں بہترکارکردگی کا مظاہرہ کرتے ہوئے سیمی فائنل تک رسائی حاصل کرلے گی۔

تحریک انصاف کے سربراہ نے ٹویٹر پرٹویٹ کرتے ہوئے پاکستان کی قومی ٹیم سے ورلڈ ٹی ٹوئنٹی کے آنے والے میچز میں بہترکارکردگی کی امید کا اظہارکیا ہے۔

پاکستانی ٹیم کے سابق کپتان عمران خان پاک بھارت میچ میں قومی ٹیم کی حوصلہ افزائی کے لئے بھارت گئے تھے اور وہاں انہوں نے کھلاڑیوں کو میچ کے حوالے سے مشورے دیے تھے۔ عمران خان نے قومی ٹیم کے موجودہ کپتان شاہد خان آفریدی کو بھی بھارت کے مدمقابل بے خوف ہوکر کھیلنے کا مشورہ دیا تھا۔

پاکستان ورلڈ ٹی ٹوئنٹی کے اس سنسنی خیز ٹورنامنٹ میں کل نیوزی لینڈ کے مدمقابل اترے گا، واضح رہے کہ نیوزی لینڈ میزبان ٹیم بھارت کو ہراچکی ہے جبکہ پاکستان ہفتے کو کلکتہ میں ہونے والے پاک بھارت میں شکست سےدوچار ہوا تھا۔