کراچی: پاکستان تحریک انصاف کے مرکزی ایڈیشنل سیکریٹری جنرل اور سابق گورنر سندھ عمران اسماعیل نے لاہور ہائی کورٹ کے وزیر اعلیٰ پنجاب پرویز الٰہی کو بحال کرنے کے حکم پر بیان جاری کر دیا۔
عمران اسماعیل نے ٹوئٹر پر جاری اپنے بیان میں کہا کہ جمہوریت پر شب خون مارنے والے گورنر پنجاب کے مقدر میں رسوائی لکھی تھی، پنجاب حکومت کی بحالی عمران خان کی ایک اور فتح ہے۔
سابق گورنر سندھ نے کہا کہ اسمبلیوں کی تحلیل پتھر پر لکیر ہے، اعتماد کے ووٹ کا تھپڑ مار کر اسمبلی تحلیل کریں گے، چہرے پر انگلیوں کے نشان کئی دن تک دیکھ کر شرمسار ہوتے رہیں۔
چمہوریت پر شب خون مارنے والے امپورٹڈ گورنر کے مقدر میں رسوائی ہی لکھی تھی۔ پنجاب حکومت کی بحالی عمران خان کی ایک اور فتح ہے۔ اسمبلیوں کی تحلیل پتھر پر لکیر ہے۔ اعتماد کے ووٹ کا تھپڑ مار کر اسمبلی تحلیل کریں گے تا کہ چہرے پر انگلیوں کے نشان کئی دن تک دیکھ کر شرمسار ہوتے رہیں
— Imran Ismail (@ImranIsmailPTI) December 23, 2022
اس سے قبل انہوں نے ٹوئٹر پر جاری اپنے بیان میں کہا تھا کہ گورنر پنجاب بلیغ الرحمٰن نے غیر قانونی کام کیا ہے، ہم صدرِ پاکستان عارف علوی سے گزارش کرتے ہیں کہ اس گورنر کو ڈی نوٹیفائی کریں۔
عمران اسماعیل کا کہنا تھا کہ عوام میں جانے کا خوف اس حکومت سے خودکشی کروا رہا ہے۔ آخر میں انہوں نے لکھا: ’فکر نہ کرو عمران آ رہا ہے۔‘